زۆر کۆمپانیا کاتێک گەورە دەبن، بەڕێوەبردنی کارەکانی ژمێریاری، بە کاغەز یان چەند سیستەمێکی جیاواز دەبێتە کێشە
فرۆشتن لە شوێنێکە، کۆگا لە شوێنێکی ترە، ژمێریاری سیستەمێکی جیاوازی هەیە و بەڕێوەبەر ناتوانێت بە خێرایی بزانێت کۆمپانیاکەی لە چ دۆخێکدایە
ERP لەو کاتەدا زۆربەی کۆمپانیاکان بڕیار دەدەن سیستەمی بەڕێوەبردن دامەزرێنن وەک
بەڵام کێشەکە ئەوەیە
کڕینی سیستەم بە تەنها کێشەکانی کۆمپانیا چارەسەر ناکات
١. پێش سیستەم، پرۆسەکانت بناسە
پێش جێبەجێکردنی سیستەمی بەڕێوەبردن دەبێت بزانیت کارەکانت چۆن بەڕێوەدەچن.
:بۆ نموونە
- کڕیار چۆن داواکاری دەکات؟
کێ کۆتەیشن دروست دەکات؟
کێ داواکاری کڕین پەسەند دەکات؟
کاڵا چۆن دەچێتە کۆگا؟
پارەی کڕیار چۆن تۆمار دەکرێت؟
بەڕێوەبەر چۆن قازانج و تێچوون دەبینێت؟
ئەگەر ئەم پرۆسانە ڕوون نەبن، تەنها کێشەکانی ئێستا دەگوازیتەوە بۆ ناو سیستەمی نوێ
٢. هەموو شتێک لە یەکەم ڕۆژدا جێبەجێ مەکە
یەکێک لە هەڵە گەورەکان ئەوەیە کۆمپانیا هەوڵ بدات هەموو بەشەکان لە یەک کاتدا بگۆڕێت
فرۆشتن، ژمێریاری، کۆگا، کارمەندان، بەرهەمهێنان، مووچە و هەموو بەشەکانی تر
باشترە جێبەجێکردن بە قۆناغ بکرێت
:بۆ نموونە
قۆناغی یەکەم: فرۆشتن + کڕین + کۆگا
قۆناغی دووەم: ژمێریاری
قۆناغی سێیەم: بەرهەمهێنان یان سەرچاوە مرۆییەکان
قۆناغی چوارەم: کارپێکردن و ڕاپۆرتسازی
ئەم شێوازە مەترسی کەم دەکاتەوە و کارمەندانیش ئاسانتر ڕاهێنان وەردەگرن
٣. سیستەمەکە نابێت تەنها بۆ ژمێریاری بێت
!سیستەمی بەڕێوەبردن تەنها سیستەمی ژمێریاری نییە
سیستەمێکی باش دەبێت زانیاری هەموو بەشەکانی کۆمپانیا بەیەکەوە ببەستێتەوە
:بۆ نموونە لە (ئۆدۆ) دا دەتوانرێت
فرۆشتن
کڕین
کۆگا
ژمێریاری
CRM بەڕێوەبردنی پەیوەندییەکانی کڕیار
بەرهەمهێنان
کارمەندان
مووچە
خەرجییەکان
پڕۆژەکان
خزمەتگوزارییەکان
فرۆشتنی ڕاستەوخۆ
لە یەک سیستەمدا بەیەکەوە کار بکەن
کاتێک داواکارییەکی فرۆشتن دروست دەکرێت، دەتوانێت بە کۆگا، گەیاندن، پسووڵە و ژمێریارییەوە پەیوەست بێت
ئەم پەیوەستبوونە یەکێکە لە گرنگترین هۆکارەکانی بەکارهێنانی سیستەم
٤. گۆڕانکاریی تایبەت زۆر مەکە لە سەرەتا
:زۆر کۆمپانیا دەڵێن
“ئێمە هەمیشە بەم شێوازە کارمان کردووە، سیستەمەکەش دەبێت هەمان شێواز بێت.”
ئەمە هەمیشە بیرۆکەیەکی باش نییە
هەندێک جار باشترە پرۆسەی کارەکە بگۆڕدرێت، نەک سیستەمەکە
:گۆڕانکاریی تایبەتی زۆر
نرخ زیاد دەکات
ماوەی جێبەجێکردن درێژ دەکات
چاودێریکردن و چاککردنەوە قورس دەکات
نوێکردنەوەی داهاتوو ئاڵۆز دەکات
یەکەم هەوڵ دەبێت بە تایبەتمەندییە بنەڕەتییەکان کێشەکە چارەسەر بکرێت
گۆڕانکاریی تایبەت تەنها کاتێک بکرێت کە پێویستییەکی ڕاستەقینەی بازرگانی هەبێت
٥. کارمەندان دەبێت بەشێک بن لە جێبەجێکردن
باشترین سیستەمی بەڕێوەبردنی جیهانیش هیچ سوودێکی نییە ئەگەر کارمەندان بە دروستی بەکاری نەهێنن
ڕاهێنان دەبێت بەشێکی سەرەکی جێبەجێکردن بێت
:کارمەند دەبێت بزانێت
بۆچی سیستەمەکە جێبەجێ دەکرێت
کاری خۆی چۆن تێدا ئەنجام بدات
چ زانیارییەک پێویستە تۆمار بکرێت
هەڵەکان چۆن ڕاپۆرت بکرێن
بۆچی پاکی و دروستی زانیاری گرنگە
پڕۆژەی سیستەمی بەڕێوەبردن تەنها پڕۆژەی تەکنەلۆژیا نییە
پڕۆژەی گۆڕینی شێوازی کارکردنی کۆمپانیاکەیە
٦. زانیاریی هەڵە، ڕاپۆرتی هەڵە دروست دەکات
سیستەم تەنها بەو زانیاریە کار دەکات کە تۆمار دەکرێت
:ئەگەر
بڕی کاڵاکانی کۆگا هەڵە بن
باڵانسی سەرەتایی هەڵە بێت
باڵانسی کڕیار هەڵە بێت
تێچوونی بەرهەم هەڵە بێت
!ڕاپۆرتەکانیش هەڵە دەبن
بۆیە گواستنەوەی زانیاری و دانانی باڵانسی سەرەتایی دەبێت بە زۆر وریایی ئەنجام بدرێت
٧. هاوبەشی جێبەجێکردنی دروست هەڵبژێرە
هەڵبژاردنی سۆفتوێرەکە تەنها نیوەی بڕیارەکەیە
نیوەکەی تر ئەو تیمەیە کە سیستەمەکە جێبەجێ دەکات
هاوبەشێکی باش دەبێت تەنها شارەزایی لە تەکنەلۆژیا نەبێت
:دەبێت
پرۆسەی کار بزانێت
ژمێریاری بزانێت
بەڕێوەبردنی کۆگا بزانێت
کارەکانی کۆمپانیا شیکاری بکات
ڕاهێنان بدات
پشتیوانی بدات
سیستەمی ئۆدۆ چۆن دەتوانێت یارمەتی کۆمپانیاکان بدات؟
ئۆدوو یەکێکە لە سیستەمە بەهێزەکانی بەڕێوەبردن کە بەشە جیاوازەکانی کۆمپانیا لە یەک پلاتفۆرمدا کۆدەکاتەوە
ئێمە یارمەتی کۆمپانیاکان دەدەین ئۆدۆ بە پێی پرۆسەی کاری خۆیان جێبەجێ بکەن
:خزمەتگوزارییەکانمان بریتین لە
جێبەجێکردنی ئۆدۆ
شیکاری پرۆسەی کار
ڕێکخستن
Development گەشەپێدانی تایبەت
ڕاهێنان
پشتیوانی
ڕێکخستنی ژمێریاری
چارەسەری بەرهەمهێنان و کۆگا
ئامانجمان تەنها دانانی سۆفتوێرێک نییە
ئامانجمان ئەوەیە کۆمپانیا بتوانێت بە زانیاریی دروست، پرۆسەی ڕوون و کۆنترۆڵی باشتر کار بکات
ئەگەر بیر لە جێبەجێکردنی سیستەمی بەڕێوەبردن یان ئۆدۆ دەکەیتەوە، پێش هەر بڕیارێک پرۆسەکانی کارەکەت هەڵبسەنگێنە